ஒரு அந்திம இசை ஒலிக்கிறது

பின்னூட்டமொன்றை இடுக

ஒரு சின்ன முத்தத்தில்
நிறைவடைந்தது எல்லாம்

புன்னகையில் உதடுகளுக்கு அருகடையும்
கண்ணீர்த்துளியை எந்த விரல் துடைக்கும்

தனியாக இருந்தவனை
தனியாகவே இருக்கவிடுதல் ஒரு கொலை

நடுக்கும் குளிரில்
நான் கிடப்பேன்
ஒரு பிணத்தைப்போலே.

o

இந்தக்குளிர் நிலத்தின்
எந்த மூலையிலும் நீ இல்லை

என் வெயில் நிலத்தின்
சந்துகளில் உன்னை முத்தமிட்டேன்

நண்பர்களுடன் நாமிருந்த கணமொன்றில்
எழுந்துவந்தேன் பொய்க்காரணம் சொல்லி

என் காதலை ஒரு பூவைப்போல
கசக்கி முத்தமிட என்னால் முடியாது கெளரி.

o

ஒரு அந்திம இசை ஒலிக்கிறது
பாணன் தன் ஆயுதங்களை துடைத்து வைக்கிறான்
கல்தூணில் விளக்கேந்திய யட்சி இறங்கிவருகிறாள்
குளம் தாமரைச் சகதியுடன் இறப்பைத்தூண்டுகிறது

ஒரு அந்திம இசை ஒலிக்கிறது
சித்தார்த்தன் அரண்மனையிலிருந்து இறங்கி நடக்கிறான்
கார்த்திக் சர்ச் ஒன்றில் பூக்களைப் பெறுகிறான்
மனோகர் கோர்ட் படிகளில் துப்பாக்கி குண்டு தாங்கி உருள்கிறான்

ஒரு அந்திம இசை ஒலிக்கிறது
நான் ஒரு குளிர் மண்டபத்தில் அமர்ந்திருக்கிறேன்
நீ வருகிறாய்
இது இனி இல்லை என்கிறாய்.

ஒரு அந்திம இசை ஒலிக்கிறது
பறவை தார்ச்சாலையில் அமர்ந்திருக்கிறது
வாகனம் ஏறி கடந்துபோகிறது.
o

ஒரு கனவு நிகழ்கிறது
அதை ஒரு இசைக்கலைஞன் பார்த்துக்கொண்டிருக்கிறான்
கையில் அவன் கருவியில்லை

ஒரு மரணம் நிகழ்கிறது
அதை ஒரு பாடகன் பார்க்கிறான்
ஆனால் பாடும் எண்ணமில்லை

ஒரு விபத்து நிகழ்கிறது
உள்ளே அடிபட்டு செத்தவனுக்கு
அந்த கோரம் தெரியாது

இறுதியாக அந்த இசை
ஊரெங்கும் ஒலிக்கத்தொடங்குகிறது
சிலர் அழத்தொடங்குகிறார்கள்

Womens Day – எங்கள் பையன்களை எங்களைப்போல் வளர்க்காதீர்கள்

2 பின்னூட்டங்கள்

சோ கால்ட் கூட்டுமனசாட்சியை நிருப்யா கொஞ்சம் அசைத்துப்பார்த்துவிட்டாள் இல்லையா? தண்டனைச் சட்டங்களின் படி, குழந்தை என வரையறுக்கப்பட்ட ஆணும், இந்த குடும்ப முறையில், காதலைப் பற்றி பேசக்கூட தடை இருக்கும், அவன் அண்ணனும் ஒரே கடப்பாரையைத்தான் தனியாக மாட்டிய பெண்ணிடம் உபயோகித்திருக்கிறார்கள் இல்லையா?

ஊடகங்களுக்கு எல்லாமே டி.ஆர்.பிக்கான தீனிமட்டுமே. எல்லா பாலியல் வன்முறை வழக்குகளும் தூசு தட்டப்பட்டன, இளம்பெண் தனியே இரவில் தன் காதலனுடன் சென்றால் இப்படியெல்லாம் நடப்பது சகஜம் தான் என மேதைகள் சொன்னார்கள். அதே மேதைகளின் ஆண்பிரதிநிதிகள் ஒவ்வொரு வார்த்தைக்கும் பதிலடி கொடுத்தார்கள். இளம்பெண்ணுக்குப் பதிலாக, குழந்தைகளும் வயதான கிழவிகளும், வன்முறைக்கு உட்படுத்தப்பட்ட நிகழ்வுகள் வெளி வந்தன. இரவில் மட்டுமில்லை, நண்பகலில், மாலையில், அதிகாலையில் வன்முறை நிகழ்வுகள் இருந்தன. காதலனுடன் மட்டுமில்லை. அண்ணனுடன், தந்தையுடன், என எல்லா சக உறவுகளுடன் சென்ற போதும் இதே வன்முறைகள் நிகழ்ந்திருக்கின்றன என புட்டுப்புட்டு வைத்தன புள்ளிவிபரங்கள். அரைகுறை ஆடைகள் என்றார்கள். பள்ளிச் சீருடை அரைகுறை ஆடையில் வராது இல்லையா?

அரசிற்கு எல்லாமே ஓட்டுத் தந்திரம் மட்டுமே. நிருப்யா இறந்தவுடன், இனியொரு வன்முறை நிகழ்வைத் தவிர்க்க தடுக்க தண்டிக்க சட்டம் இயற்றுமுன்னர், முதல் வேலையாக கட்சி வாரியாக சில பல லட்சங்களைப் பெட்டியில் போட்டுக்கொண்டு மருத்துவமனை முன்பு நின்றதைப்பார்த்தீர்களா? இனியொரு பெண்ணுக்கு இந்தக் கொடுமை நடக்காமல் தடுக்கவேண்டுமெனத்தானே நிருப்யா வேண்டியிருந்தாள்?

தூக்குத் தண்டனை, ரசாயன ஆண்மை நீக்கம் முதல், கருட புராணத்தின் படி மர்ம உறுப்பில் எலிகளை விட்டு கடிக்க வைக்கும் வரை எத்தனை தண்டனைகள் முன்மொழியபட்டன? மெய்யாகவே உங்களுக்குச் சொல்கிறேன். எங்கள் ஆணாதிக்கம் (நானும் ஒரு அடையாளம்தானே?) கால்களுக்கு நடுவில் இல்லை. மூளைக்குள் இருக்கிறது.

எதுவரை நிருப்யா பற்றி பேசிக்கொண்டிருந்தோம் நினைவிருக்கிறதா? வினோதினி ஊடகப் பார்வைக்கு வரும்வரை. பிறகு வித்யா என இன்னொரு மாணவி. இன்னும் ஊடகங்களும், அரச யந்திரமும், மற்ற ஆசிட் வழக்குகளைத் தேடிக்கொண்டிருக்கின்றன. அடுத்த விதத்தில், அடுத்த வன்முறை நிகழும் வரை, ஆசிட் மட்டுமே நினைவிலிருக்கும். சூர்யநெல்லி பெண் பற்றி படித்தீர்களா? 1996ல் மூணாறில் காணாமல் போன ஒரு தபால்காரர் மகள். 40 நாள்களுக்கு, போதையூட்டப்பட்டு ஆள் மாற்றி ஆள் அவளை பாலியல் வன்முறைக்கு உட்படுத்தி , கடைசியில் கையில் கொஞ்சம் பணம் கொடுத்து வீட்டிற்கு அனுப்பி வைத்திருக்கிறார்கள். மக்கள் எழுச்சியைக் கொண்டு, தனி நீதிமன்றம் அமைக்கப்பட்டு முக்கிய குற்றவாளிக்கு ஆயுள் தண்டனையும், மற்றவர்களுக்கு வருடங்களில் தண்டனையும் விதிக்கப்பட்டது. பிறகு உச்ச நீதிமன்றம், இது பாலியல் வன்முறை இல்லையென்றும், பணத்துக்காக நடந்த பாலியல் வியாபாரம் என்றும் தீர்ப்பை மாற்றி, விடுதலையும், தண்டக்குறைப்பும் செய்து, குற்றவாளிகளை விடுதலை செய்தது. அதில் ஒருவர் எம்.பி. இன்னொருவர் சமீபத்தில், கேரள வணிக வரித்துறையில் அதிகாரியாகவும் வளர்ந்திருக்கிறார்கள். வினோதினி, வித்யா, சூர்யா நெல்லிப் பெண்ணெல்லாம் கூட்டு மனசாட்சியின் கண்களுக்கு கொண்டுவரப்படவில்லை இல்லையா?

மறுபடியும் சொல்கிறேன். எங்க‌ள் வ‌ன்முறை எங்க‌ள் கால்க‌ளுக்கு ந‌டுவில் இல்லை. மூளையில் இருக்கிற‌து. எல்லா குழந்தைகளுக்கான க‌ளிம‌ண் மூளைகளைப் பாண்ட‌மாக்கும் பெற்றோர், எங்க‌ளுக்கு ஆதிக்க‌த்தையும், உங்க‌ளுக்கு அடிமைத்த‌ன‌த்தையும் க‌ற்றுக்கொடுத்திருக்கிறார்க‌ள். எங்க‌ளைவிட‌ அதிக‌ம் ச‌ம்பாதிக்கும் பெண்ணை , எங்க‌ளைவிட‌ அதிக‌ம் புத்திசாலியான‌ பெண்ணை, எங்க‌ளைவிட‌ வ‌ய‌தில் அதிக‌மான‌ பெண்ணைக்கூட‌ எங்க‌ளால் ஏற்றுக்கொள்ள‌முடியாது. தாய்வ‌ழிச் ச‌மூக‌த்தில் ஆண்களின் நிலை ஒரு ஜீனாக‌ த‌லைமுறை த‌லைமுறையாக‌க் க‌டத்த‌ப்ப‌ட்டிருக்கிற‌து. ஒரு நடையில் எங்களைக் கடந்து செல்லும் பெண்கூட எங்கள் அகங்காரத்தை அசைத்துப் பார்த்துவிடுகிறாள். எங்களைப்போலவே விரும்பிய‌தை அணியும் பெண்க‌ள், எங்க‌ளுக்கு கொடுக்க‌ப்ப‌ட்ட‌ பின்னிர‌வுக‌ளில் க‌ண்ணில் ப‌டும் பெண்க‌ள், எங்க‌ள் வ‌ன்முறைக்கு இல‌க்காக‌ வேண்டிய‌வ‌ர்க‌ள் என்ற‌ எண்ண‌ம் விதைக்க‌ப்ப‌ட்டிருக்கிற‌து. அர‌சாங்க‌ம் உங்க‌ளுக்கு உத‌விசெய்யாது. ந‌ட‌க்கும்வ‌ரை வேடிக்கை பார்த்து பின் , ப‌ண‌ம் கொடுத்து ஊரிலுள்ள‌ ம‌ற்றவ‌ர்க‌ளின் ஓட்டு வாங்க‌ முய‌லும். ஊட‌க‌ங்க‌ள் உதவி செய்யாது. டி.ஆர்.பி ரேட்டிங்க் கூட்டும் தார‌க‌ ம‌ந்திர‌மில்லையா? உங்க‌ளுக்கு ம‌ர‌ண‌மே நேர்ந்தாலும் சீரிய‌ விள‌ம்ப‌ர‌ இடைவேளைக‌ளில்தான் செய்திக‌ளே வ‌ரும்.

த‌ப்பிப் பிற‌ந்த‌, இன்றுவ‌ரை பெண்க‌ளை அடிமைப்ப‌டுத்தியதைக் குறித்த‌ குற்ற‌வுண‌ர்ச்சி கொண்ட‌ ஒரு சிறு குழு ஆண்க‌ளுக்குள்ளுள் உண்டு. ஆனால் அதுவும் உத‌வாது. ஒரே வ‌ழி இந்த‌ த‌லைமுறையிட‌ம் ஜாக்கிர‌தையாக‌ இருங்க‌ள். த‌ப்பிப் பிற‌ந்த‌ ஆண்க‌ளை க‌ண்ட‌றிய‌ க‌ற்றுக்கொள்ளுங்க‌ள். கணவன், சகோதரன், அப்பா, அண்ணனின் வார்த்தைக‌ளிலும் செய‌லிலும், நேர‌டியாக‌ ம‌றைமுக‌மாக‌ இருக்கும் விஷ‌ முட்க‌ளை அவ‌ர்க‌ள் முன்னால் எடுத்துச் சொல்லுங்க‌ள். உங்க‌ளிட‌ம் ம‌ட்டும‌ல்லாம‌ல், பிற‌ பெண்க‌ளைப்ப‌ற்றிய‌ அவ‌ர்க‌ள் க‌ருத்துக்க‌ளையும் க‌வ‌னியுங்க‌ள். 6 ம‌ணிக்குள் வீட்டு வ‌ந்துருமா என‌ குடும்ப‌த்தின‌ர் சொன்னால், “அட‌டா இது அக்க‌றை” என நீங்கள் ஏற்றுக்கொண்டால், த‌ன் குடும்ப‌த்தின‌ரால் ஏற்றுக்கொள்ள‌ப்பட்ட‌ ஒரு க‌ட்டுப்பாட்டை மீறும் பொதுவெளிப்பெண்ணுக்கு “அவ‌ நைட்டு வெளிய‌ சுத்துனா இப்ப‌டித்தான் ந‌ட‌க்கும், எங்க‌க்காவும் இருக்கா.. ஆறு ம‌ணிக்கு வீட்டு வ‌ ந்துருவா.. அவ‌ளுக்கு இதுவ‌ரை எந்த‌ப்பிர‌ச்சினையும் வ‌ர‌லியே” என‌ ஒரு வ‌ட்டார‌த்தையே அடுத்த‌ த‌லைமுறை குற்ற‌வாளிக‌ளாய் உருவாக்க‌ ஆண்க‌ள் த‌ய‌ங்க‌ப்போவ‌தில்லை.

ஒரே விஷ‌ய‌ம். உங்க‌ள் ஆண் குழ‌ந்தைக‌ளை எங்க‌ளைப்போல் வ‌ள‌ர்க்காதீர்க‌ள். உங்க‌ள் பெண் குழ‌ந்தைக‌ளை உங்க‌ளைப்போல் வ‌ள‌ர்க்காதீர்க‌ள்.

இதுவ‌ரை ஒரு சொல்லில், ஒரு பார்வையில், ஒரு நிக‌ழ்வில், என்னை மாற்றிய‌ ஒவ்வொரு பெண்ணுக்கும் ந‌ன்றி க‌ல‌ந்த‌ பெண்க‌ள் தின‌ வாழ்த்துக‌ள்‌

இன்னும் ஓர் இரவு

பின்னூட்டமொன்றை இடுக

நீண்ட இரவின் நுனியிலிருந்து
தவறி நினைவிற்குள் விழுகிறேன்
சிரித்தபடி குதிக்கும் கனவானென.

சில வார்த்தைகளை பகிர விரும்பாமல்
போதை உச்சத்தில் ஒரு முறை
முகம் கழுவிக்கொள்கிறேன்
கண்ணீர் தெரியாமல் போகக்கடவது

ஆத்மாநாமின் கிணற்றில்
ககனப்பறவை அலகின் பிம்பம்.

சாபத்தை உமிழ்பவனைப்
பேசவிடுகிறேன்
ஆற்றுப்படுத்திக்கொள்ளவும்.

நீண்ட பனி நோக்கிச் சென்ற
அந்த சாக்லேட் சுவை சிகார்
மறைந்துதான் ஆகவேண்டும் இல்லையா?

விழித்திருப்பவனின் இரவு

பின்னூட்டமொன்றை இடுக

சமீபத்தில் காதல் கவிதைகள் எழுதுவதற்கான எந்த வாய்ப்பும் அமையவில்லை ஆதலால், சென்ற வருடத்தின் தூங்காத இரவில், கல்யாணமாகாதவனின் கடைசி இரவு (மறுநாள் கல்யாணம்) பற்றிய கூகுள் பஸ்ஸில், அள்ளித் தெளித்த சில கவிதைகள். பேக்கப்பிற்காக.

oOo

மூன்றாவது கோப்பையை
வெற்றிலை நனைத்து
உறிஞ்சி முடிக்கும்போது
வேறு எதோ ஒன்றின் நியாபகம்

முந்தைய இரவின்
வாசனையை உறிஞ்சி அறியும்
அவளிடம்
எதன் நியாபகம் என
பகிர்ந்துகொள்ளலாம்
தயக்கமின்றி

O

என் படுக்கையில்
பாதி இடத்தை
எடுத்துக்கொள்ளப் போகிறாய்
என்றேன்

உனக்கு இல்லாத
இடமா என சிரித்துச்
சொல்கிறாள்

திருமணத்திற்கு முதல் நாள்
போனில் பேசவில்லைஎன
யார் அழுதார்கள்?

O

புரண்டு படுக்க நாளை
இடமிருக்காது எனத் தெரியும்

போலவே

புரண்டு படுக்க
இடமிருக்கக்கூடாதென்ற
ஆசையும்

O

பில்டர் காபி மணத்துடன்
ஈரத்தலை சொட்ட
பள்ளி எழலாம்
குங்குமம் ஈசிய கன்னங்களை
வெக்கத்துடன் துடைத்துக்
கொள்ள கண்ணாடி தேடலாம்
கால் மடக்கி முகம்
மட்டும் கதவிற்கு
அந்தப்புறம்
முகம் நீட்டி
உதடு துடைத்து
மீண்டெழலாம்
அல்லது
பிற கனவுகளைப்போலவே
இதையும்
இன்னொரு இரவில்
கவிதைகளுக்குள் ஒளித்துச் சொல்லலாம்
திருமதிகளின் நகைச்சுவையுடன் சேர்த்து

O

எப்படித் தொடங்கலாம்
நாளை என்ற
கேள்விக்கு
வெற்றுக் குறுஞ்செய்திகளை
அனுப்புகிறாய்

இப்படியும் தொடங்கலாமா
இரவு

O

குழந்தைக்குப் பெயர் வைக்கும்
அந்த இரவிலிருந்து
எப்படி தப்பி வருவது

சிணுங்கல்களுக்கு
தலையாட்ட நானும்
புதுச் சிணுங்கல்களுக்கு
நீயும்
பழக்கபபடுத்தப்பட்டபின்

O

குட் நைட் குறுஞ்செய்திதான்
கடைசியாக
இருந்திருக்கும்

நீ மீண்டும்
”நாளைக்குத்தான்”
என பதில் அனுப்பாமல்
இருந்திருந்தால்

Confessions (2010) – வன்மங்களின் வலைப்பின்னல்

பின்னூட்டமொன்றை இடுக

 நன்றி : உயிரோசை

பாவமன்னிப்பில் அமர்ந்திருக்கும் ஒரு பாதிரியாருக்கு என்னென்னவிதமான மனக் கொந்தளிப்புகளை அந்த வாக்குமூலங்கள் கொண்டுவந்து சேர்த்திருக்கக்கூடும்?பிறருக்கான சிறு துரோகத்திலிருந்துசில தலையெழுத்துகளை மாற்றியமைக்கும் கொலைகள் வரை எத்தனை கதைகளைக் கேட்டிருக்கக்கூடும் அவர்?

முதலாவதாக ஒரு ஆசிரியைவசந்தகால விடுமுறைக்கு முந்தைய நாளின் இறுதி வகுப்பில் பேசத் தொடங்குகிறார்வகுப்பு பதின்மருக்கான சேட்டைகளுடன்ஆசிரியை குறித்த கவனமின்மையுடன்தான் இருக்கிறது ஆசிரியைதன் குழந்தையின் தந்தை எச்..விவைரஸ் பாதித்தவர் எனும் விவரம் சொல்லும்வரைதிடீரென அமைதி சூழ்கிறதுமூச்சை அடக்கிக் கொள்கின்றனர்ஆசிரியையின் ஸ்பரிசத்திலிருந்து விலகுகின்றனர் எயிட்ஸ் குறித்த விளக்கங்களுக்குப் பிறகு சுவாசம் மீள்கின்றனர்தன் குழந்தை இறந்துவிட்டதாகவும் அது விபத்தல்ல கொலை என்கிறார்அந்தக் கொலைக்குக் காரணம் அதே வகுப்பிலிருக்கும் இருவர் என்றும் இன்னும் சில மாதங்களில் அந்தக் குழந்தையின் மரணத்திற்குக் காரணமான இருவருக்கும் எயிட்ஸ் கிருமிகளை உள்ளிட்டதாகக் கூறுகிறார்வகுப்பை நிசப்தம் சூழ்கிறது.நம்மையும்.
ஆசிரியையால் தண்டிக்கப்பட்டதாகச் சொல்லப்படும் இரு மாணவர்களில் ஒருவன்விடுமுறை முடிந்தும் பள்ளி திரும்பாதவன்அவனைப்பற்றி அறிந்து கொள்ள அந்த பள்ளியில் புதிதாக இணைந்த இன்னொரு ஆசிரியர் முயல்கிறார்உண்மையில்அவன் பள்ளிக்கு வராமல் போனதன் காரணத்தை அந்த ஆசிரியரைத் தவிர எல்லா மாணவர்களும் அறிந்திருக்கின்றனர்.

பாவமன்னிப்பின் பாதிரி இடத்தில் நாமும் மவுனமாக அமர்ந்திருக்கிறோம்.சிறுவன் மொத்தமாய் மனதை இழந்துவிட்டிருக்கிறான்தன் நோய் எந்த விதத்தில் பரவக்கூடும் என்பதைப் பற்றிய அறியாமையும்மரணம் குறித்த பயமும் கலந்த பிறழ்ந்த மன நிலையில் பல நாட்களாக குளிக்காமல்,உடைகளை மாற்றிக்கொள்ளாமல் முடிவெட்டிக்கொள்ளாமல் அறையில் அடைந்து கிடக்கிறான்தந்தையில்லாமல் தாயால் வளர்க்கப்படுபவன்.தாயையும் இப்போது நெருங்க விடுவதில்லைபுதிய ஆசிரியர் இதைப்பற்றி விவரம் எதுவுமறிமால் இவனை மறுபடியும் பள்ளிக்கு அழைத்து வருவதற்கான ஏற்பாடுகளில் இருக்கிறார்அவ்வப்போது துணைக்கு ஒரு மாணவியையும் அழைத்துக்கொண்டு இவனுக்கு ஆறுதல் சொல்ல வருகிறார்.இவர் வந்து செல்லும்போதெல்லாம் சிறுவனின் மனப்பிறழ்வு உச்சத்தைத் தொடுகிறதுஅடைத்த கதவின் மறுபுறம் கூக்குரலிடுகிறான்எதையாவது கண்ணாடி உடைத்து வெளியில் எறிகிறான்மறுபுறத்தில் பள்ளியில் குற்றம் சாட்டப்பட்ட இரண்டாவது மாணவன் துறவியின் மன நிலையுடன் பள்ளியில் தொடர்கிறான்கொலை குறித்த குற்ற உணர்ச்சி எதுவும் அவனிடம் இல்லை.சக மாணவர்களுக்கு குற்றம் சாட்டப்பட ஒருத்தன் கிடைத்த கொண்டாட்டம்.மின்னஞ்சல்களில் சிறுசிறு அசைவுகளில் அவர்கள் இவனைச் சீண்டிக்கொண்டேதான் இருக்கிறார்கள்புத்தகங்களைத் தூக்கி எறிகிறார்கள்.சலனம் எதுவுமில்லை.

பள்ளியில் தொடரும் சிறுவன்,அவனைப்பற்றிய அவதூறுகளைப் பரப்பாத இன்னொரு மாணவியுடன் இணைக்கப்படுகிறான்(இவள்தான் வீட்டிலிருக்கும் சிறுவனை அழைக்கச்செல்லும் ஆசிரியருக்கு உதவியாய்ச் செல்பவள் என்பது மெல்லிய பின்னல்). இருவரையும் கைகாலைக்கட்டி தலையைப்பிடித்து முத்தமிட வைக்கிறார்கள்அதை அலைபேசியில் படம் பிடித்து பிறர் மிரட்ட எத்தனிக்கிறார்கள்இவன் தன் பொறுமையை அடுத்த கட்டத்திற்கு நகர்த்துகிறான்பிளேடால் தன் விரலை அறுத்து ரத்தத்தை அலைபேசி மீது சொட்டுகளாய் விடுகிறான்எயிட்ஸ் குறித்த பயங்கள் மாணாக்கர்களுக்குள் பீதியை ஏற்படுத்துகிறதுமுத்தமிட வற்புறுத்திய மாணவனை இவன் முத்தமிடுகிறான் (உதட்டில்!) . இன்னும் பிற சீண்டல்கள் தொடர்ந்தால்,எல்லாருக்கும் இதையே கடத்தப்போவதாகச் சொல்கிறான்அடுத்த காட்சியில் ஒரு உணவகத்தில் கண்ணாடிப் பெட்டகம் முழுவதும் இரத்தம் சிந்தியிருக்கிறதுஎல்லா உணவுகளின் மீதும்ரொட்டிகள் மீது கேக்குகள் மீது இரு கை பூசிய தடங்கள்இரண்டு கையிலும் ரத்தம் வழிய பாதையிலிருந்து வெளிப்படுவது வீட்டிலிருக்கும் சிறுவன் மிசுகி கிடஹராஒரே நேரத்தில் இரு மாணவர்களையும் ஒரே விதத்தில் இரத்தத்தை பிறர் மீது பூச வைத்த மாயக்கண்ணி பார்ப்பவர்களின் கற்பனைக்கு,
ஷுயா வான்னபிஆசிரியையால் குற்றம் சாட்டப்பட்டும் பள்ளியில் தொடரும் மாணவன்.

பிற குழந்தைகள் போல அழகான பொம்மைகளலல்லாதுபொம்மைகளைப் பிய்த்து அதன் உள்ளடக்கங்களையும் வேலை செய்யும் முறமைகளையும் தாயால் கற்றுக்கொடுக்கப்பட்டு வளர்பவன்எதையும் உள்ளார்ந்து கவனிப்பதே பொழுதுபோக்கானாவன்தன் மேற்படிப்பு ஆராய்ச்சி இன்னபிற காரணங்களுக்காக தாய் குடும்பத்தை விட்டு விலகிவிட தந்தையால் வளர்க்கப்பட்டவன்இருவரும் பிரிந்த சில நாட்களிலியே தந்தை அடுத்த திருமணம் செய்துகொள்கிறார்சின்னம்மா குழந்தை பிறக்கும் தறுவாயில் இவன் இணைந்திருக்கும் சிறுவீட்டில் தனிமையில் விடப்படுகிறான்.தனிமையில் இவன் விருப்பமெல்லாம் பிரிந்த தன் தாயைச் சந்திப்பதுதன் பரிசோதனை வெற்றிகளைப் பகிர்வதுஅவள் வேலை செய்யும் நிறுவனத்திற்கு தன் சாதனைகள் அடங்கிய இணைய தளத்தை பகிர்கிறான்.சீண்டுவார் இல்லைபிறகு சிறிய கொலைக்கருவியைத் தயாரித்து தளத்தில் வெளியிடுகிறான்பின்னூட்டப்பெட்டி நிறைகிறதுமறுபடியும் உதவிகரமான கண்டுபிடிப்புடன் ஒரு போட்டியில் கலந்து வெல்கிறான்ஆனாலும்செய்தித்தாள்கள்தன் குடும்பத்தைக் கொன்ற இன்னொரு சிறுமியைத் தான் கவனிக்கின்றனகொலை மட்டுமே உலகத்தின் கவனத்தை தன்பால் திருப்புமென கொலைக்கான துணையைத் தேடும்போது இரண்டாவது சிறுவனுடன் நட்பாகிறான்இருவரும் சேர்ந்து கொலை செய்கிறார்கள்.

நயோகிகுற்றம் சாட்டப்பட்டு வீட்டில் அடைந்து கொள்ளும் சிறுவன்முன்சொன்ன காட்சிகளின் இன்னொரு பரிமாணம் விரிகிறது.இவனுக்கு குளிக்காத,முடிவெட்டாதஅழுக்கடைந்த தேகம் மட்டுமே இவன் இருப்பை உறுதிசெய்கிறது.நாற்றம் இருக்கும்வரை தான் உயிரோடிருப்பதான நம்பிக்கைதான் இவனைத் தொடர்ந்து வாழவைக்கிறதுநயோகி எதற்கும் உதவாதவன் என்ற ஷுயாவின் கூற்று இவனுக்கு ஒலித்துக்கொண்டேயிருக்கிறதுநயோகியின் செயல் முழுவதும் ஷுயாவின் வார்த்தைகளிலிருந்து வெளியானதுகடைசியில் தன் தாயிடமிருந்து அதே சொற்களைக் கேட்கும்போதுதான் நயோகி தன் இரண்டாவது கொலையைச் செய்கிறான்.

எல்லாக் காட்சிகளிலும் பின்னணி இசையாக மெளனத்துடன் சேர்ந்த மெல்லிய கம்பி அறுந்துகொண்டே இருக்கிறதுஒரு வசனத்தின் நடு நடுவே பல்வேறு பாத்திரங்கள் தன் இருப்பை நீட்டிவிட்டுப் போகிறார்கள்இரண்டு மாணவர்கள்,ஒரு மாணவிஒரு ஆசிரியைஒரு ஆசிரியர்மூன்று மாணவர்களுடைய பெற்றோர்கள்இவ்வளவு பேரும் அவரவர் தளத்தை ஒரு புன்னகையில்ஒரு வசனத்தில் ஒரு அசைவில் பலப்படுத்திக்கொண்டே போகிறார்கள்ஆரம்பக் காட்சிகளில் வந்து கொலையுண்டு இறந்து போகும் சிறுமிகூட பஞ்சுப்பொதி பொம்மையின் மீது கனவில் இருக்கிறாள்நாய்க்கு உணவு வைக்கும் சிறு வேலையை வாஞ்சையுடன் செய்கிறாள்இறப்பதற்கு முந்தைய கணம் கண்விழிக்கும் அந்த முகம் படம் முழுவதும் கூடவே வருகிறதுஷுயா தன் தாய் பிரியும்போது தன்னையே இழந்ததாக உணர்கிறான்ஒரு சோப்புக்குமிழி அவன் காதருகே வெடிக்கிறதுபிறிதொரு நாளில் பின்னோக்கி ஓடும் கடிகாரம் ஒன்றை அவன் கண்டுபிடிக்கும்போது தாய் விலகிப்போகும் காட்சி பின்னோக்கி நகர்கிறதுஉடைந்த நீர்க்குமிழி அதே காதருகே பின்னோக்கி நகரும் காட்சியைமைப்பில் முழுதாகிறது பிறகுதான் அவன் கொலை குறித்த எண்ணங்களுக்கு நகர்கிறான்). உணவுவிடுதியெங்கும் ரத்தம் தோய்த்துவிட்டு இரு உள்ளங்கைகளும் முகத்திற்கு நீட்டும் நயோகியிடம் ஒரு புன்னகை உறைந்திருக்கிறது. (அதற்கு முந்தைய காட்சியில்தான் நயோகி புன்னகைத்தபடி இருக்கும் தன் புகைப்படத்தைப் பார்த்து ” யார் இதுஎன்ன……… க்கு இவன் சிரிக்கிறான் எனக் கேட்கிறான்)எல்லாவற்றிற்கும் தானே காசு கொடுத்துவிடுவதாகச் சொல்லும் நயோகியின் தாய் கடைக்காரன் காலில் விழுகிறாள்இப்படி ஒவ்வொரு காட்சியும் முந்தைய பிந்தைய காட்சிகளுடன் பின்னிப்பிணைந்து ஆதி கண்ணி குறித்த எந்த மையமும் இல்லாமல் நீண்டு கொண்டேதான் போகிறது.

கிம்கிடுக் பின்னால் அலைந்ததைப்போல இன்னும் சில மாதங்களுக்கு டெட்ஷுயா நகஷிமா பின்னால் அலைவேன் எனத் தோன்றுகிறது.

%d bloggers like this: